ShQO-da 42 jastaǵy azamat Qytaıda shyǵarylǵan dárilerdi lıtsenzııasyz satyp kelgen
ÓSKEMEN. QazAqparat - QR Qarjy mınıstrliginiń Memlekettik kirister komıtetiniń Shyǵys Qazaqstan oblysy boıynsha Ekonomıkalyq tergeý departamentiniń qyzmetkerleri ShQO boıynsha taýarlar men kórsetiletin qyzmetterdiń sapasy men qaýipsizdigin baqylaý departamenti qyzmetkerlerimen birge sertıfıkattalmaǵan dárilerdi satý faktisin anyqtady.
Jedel izdestirý is-sharalaryn júrgizý barysynda Óskemen qalasyndaǵy saýda úıleriniń birinde ókiletti organdarda tirkeýsiz zańsyz kásipkerlik qyzmetti júzege asyrý faktisi anyqtaldy. Atap aıtqanda, 42 jastaǵy oblys ortalyǵynyń turǵyny Qytaıda shyǵarylǵan dárilik zattardy satý boıynsha lıtsenzııasyz qyzmetti júzege asyrǵan.
Saýda ornyn tekserý barysynda Qazaqstan Respýblıkasynda ruqsat qujattarynsyz satylymǵa shyǵarylǵan 48 túrli vırýsqa qarsy dárilik zattar men antıbıotıkter zańsyz aınalymnan alyndy.
Qazirgi ýaqytta atalǵan fakt boıynsha QR QK 214-babynyń 1 b. (zańsyz kásipkerlik) boıynsha sotqa deıingi tergeý bastaldy.
