ShQO-da 400-den astam mobıldi jedel járdem brıgadasy jumys isteıdi
ÓSKEMEN. QazAqparat – Shyǵys Qazaqstan oblysy 400-den astam mobıldi jedel járdem brıgadasy jumys isteýde, dep habarlaıdy QazAqparat tilshisi.
ShQO Densaýlyq saqtaý basqarmasynyń ókili Asqar Horoshashtyń aıtýynsha, óńir aýmaǵynda 404 mobıldi jedel járdem brıgadasy bar. Medıtsına qyzmetkerleri úılerge baryp, patsıentterdiń jaı-kúıin tolyq saýyǵýyna deıin baqylaıdy, COVID-19-ǵa PTR-testileý júrgizý úshin bıologııalyq materıal alýdy júzege asyrady jáne naýqastarǵa dárilik preparattardyń berilýin qamtamasyz etedi.
«Koronavırýs juqtyrǵan aýyr jáne óte aýyr jaǵdaıdaǵy patsıentterge medıtsınalyq kómek kórsetý úshin Óskemen jáne Semeı qalalaryndaǵy Ana men bala ortalyǵynda, sondaı-aq Semeıdegi juqpaly aýrýlar aýrýhanasynyń bazasynda qajetti quraldarmen tolyqtaı jabdyqtalǵan eki ortalyq quryldy», - dedi Asqar Horoshash.
Budan bólek, medıtsınalyq mekemege jetkizýge jaǵdaıy kelmeıtin aýyr naýqastarǵa jedel kómek kórsetý úshin quramynda anestezıolog-reanımatolog, ınfektsıonıst jáne pýlmonolog mamandary bar kóshpeli brıgadalardyń jumysy uıymdastyrylǵan.
