ShQO-da 40 jetpeıtin turǵyny bar 2 aýyl kóshe bolyp qaldy
ÓSKEMEN. QazAqparat - Shyǵys Qazaqstannyń Glýbokoe aýdanyndaǵy eki eldimeken aýyl mártebesinen aıyryldy, dep habarlaıdy QazAqparat tilshisi.
Halqynyń sany azaıyp ketkenine baılanysty Volchıha jáne Krasnaıa Zarıa aýyldary kóshege teńestirildi. Qazir Volchıhada 34 turǵyn qalsa, Krasnaıa Zarıa aýylynda 40 adam ǵana bar.
Buryngy aýyl turǵyndardyń aıtýynsha, osydan 30 jyl buryn bul eldi mekenderdiń árqaısynda 50-60 otbasy bolǵan eken. Endi ońtaılanǵan eldi mekender irgeles jatqan aýyldarǵa biriktirilip, geografııalyq bólinis boıynsha kóshe dep atalatyn boldy. Osylaısha Volchıha aýyly 25 shaqyrym qashyqtyqta jatqan Kishi Ýba aýylynyń kóshesi bolyp tirkelse, Krasnaıa Zarıa 3,5 shaqyrymdaǵy Berezovka aýylynyń quramyna kirdi.
«Eldi mekenderdiń mártebesi ózgergenimen, áleýmettik-ekonomıkalyq damýy ózgermeıdi. Eki aýyldyń birinde 3, ekinshisinde 2 ǵana oqýshy bar. Olar buǵan deıin de kórshi aýyldan avtobýspen qatynap kelgen. Solaı bola beredi de. Dári-dármekpen qamtý, qujat rásimdeý sııaqty sharýalar onsyz da kórshi aýyl arqyly júzege asatyn. Qysta joldardy qardan tazalap turýǵa da qarjy bólinetin bolady, - deıdi Glýbıýokoe aýdandyq ekonomıka jáne bıýdjettik josparlaý bóliminiń basshysy Svetlana Bolshakova.
