ShQO-da 40-tan astam kólik qar qursaýynda qaldy
ÓSKEMEN. QazAqparat – Shyǵys Qazaqstan oblysy «Óskemen-Rıdder» tas jolyndaǵy Mıhaılovka jáne Sekısovka aýyldarynyń mańynda 40-tan astam avtokólik qar qursaýynda qalǵan, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetinshe, bir kólik joldan shyǵyp ketken. Onyń ishinde 2 eresek adam men 3 bala boldy. Zardap shekken eshkim joq. Glýbokoe aýdandyq Tótenshe jaǵdaılar bóliminiń qyzmetkerleri osy kóliktiń jolaýshylaryn jedel túrde evakýatsııalap, Bystrýha aýylyndaǵy úılerine jetkizdi.
«Sondaı-aq kepteliste turyp qalǵan kólik júrgizýshileri úshin vahtalyq avtobýs keldi. Osylaısha olar joldyń tazalanýyn ishi keń avtobýsta kútti», - dep habarlady vedomstvo ókilderi.
Esterińizge sala keteıik, oblysta qarly boran men kóktaıǵaq bolatyny týraly aýa raıyna baılanysty eskertý aldyn ala jarııalanǵan bolatyn. Osy rette, ShQO TJD turǵyndarǵa asa qajettiliksiz alys jolǵa shyqpaýǵa keńes beredi.
