ShQO-da 40 qorap tiri shaıandy Reseıge tasymaldamaq bolǵan adam ustaldy

ÓSKEMEN. QazAqparat – Shyǵys Qazaqstan oblysynda 40 qorap tiri shaıandy Reseıge zańsyz tasymaldamaq bolǵan adam ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «Óskemen-Samar» tasjolynyń 62 shaqyrymynda patrýldik polıtsııa qyzmetkerleri «Gazel» avtokóligin toqtatqan. Ony Óskemen qalasynyń 39 jastaǵy turǵyny tizgindep kele jatqan.

«Tekserý barysynda tártip saqshylary kólikten tıisti qujattary joq tiri shaıandar jatqan 40 qorapty tapty. Júrgizýshi ony Úsharal aýylynan Reseı Federatsııasynyń Barnaýl qalasyna tasymaldamaq bolǵan», - delingen aqparatta.

Er adam Ulan aýdany Asýbulaq aýylynyń polıtsııa bólimshesine jetkizildi. Protsestik sheshim qabyldaý maqsatynda is QR ÁQBtK-niń 406-baby boıynsha veterınarııalyq ınspektsııaǵa berildi.