ShQO-da 40 gektarǵa jaıylǵan dala órti sóndirildi
ÓSKEMEN. QazAqparat – Shyǵys Qazaqstan oblysy Kókpekti aýdany Malınogorsk aýyldyq okrýginde 40 gektarǵa jaıylǵan tilsiz jaý sóndirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin tańǵy saǵat 06.15 shamasynda órt sóndirýshiler, ormanshylar men jergilikti atqarýshy organ qyzmetkerleri Malınogorsk aýyldyq okrýginde shyqqan dala órtin óshirdi.
«Qyzyl jalynnyń jalpy aýdany 40 sharshy metrdi quraǵan. Órtke oranǵan orman aýmaǵy anyqtalyp jatyr», - dep habarlady vedomstvo ókilderi.
Esterińizge sala ketsek, keshe Shyǵys Qazaqstanda ashyq dalada órt shyqqandyǵyn habarlaǵan bolatynbyz. Oqıǵa ornyna 6 órt sóndirýshi, jergilikti atqarýshy organnyń 50 qyzmetkeri, 5 ormanshy jáne 3 tehnıka jumyldyrylǵan edi.
