ShQO-da 40 gektarǵa jaıylǵan dala órti oqshaýlandy

ÓSKEMEN. QazAqparat – Shyǵys Qazaqstan oblysy Altaı aýdanynda 40 gektarǵa jaıylǵan dala órti oqshaýlandy, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, órt búgin Gremýchıı Lýg shatqalynda shyqqan. Oqıǵa ornyna departamenttiń jeke quramynan 26 adam, 4 tehnıka jáne Altaı orman sharýashylyǵynan 60 adam men 9 tehnıka dereý kelip jetti.

«Qazavıaormanqorǵaý» AN-2 ushaǵymen órt oshaǵyn aralaǵan kezde ormanǵa qaýip tónip turmaǵandyǵy anyqtaldy. Jeldiń ekpini sekýndyna 10 metrdi quraǵan. Osynyń saldarynan órt 40 gektar aýmaqqa jaıylyp ketti. Aımaq basshysynyń ókimi boıynsha tilsiz jaýdyń odan ármen taralýyna jol bermeý úshin qosymsha ShQO ákimdiginiń «MI-8» tikushaǵy jetken», - dep habarlady vedomstvo ókilderi.

Qazirgi ýaqytta qyzyl jalyn oqshaýlandy. Oqıǵa ornynda qutqarýshylar jumys isteýde.