ShQO-da 4 mln teńge para alǵan sheneýnikke 40 mln teńge aıyppul salyndy

NUR-SULTAN. QazAqparat – Shyǵys Qazaqstan oblysynyń Turǵyn úı kommýnaldy sharýashylyq jáne energetıka basqarmasy basshysyna qatysty úkim qaıta qaraldy, dep habarlaıdy QazAqparat ShQO Sybaılas jemqorlyqqa qarsy qyzmetine silteme jasap.

«Aǵymdaǵy jyldyń 24 qańtarynda Shyǵys Qazaqstan oblystyq sotynyń appelıatsııalyq sot alqasynyń qaýlysymen «Shyǵys Qazaqstan oblysynyń TÚKSh jáne energetıka basqarmasy» MM basshysy M.H.Musataevqa qatysty shyqqan aqtaý úkimi joıyldy. Ol iri kólemdegi alaıaqtyq jasaǵany úshin kináli dep tanylyp, memlekettik organdarda laýazym ıelený quqyǵynan ómir boıyna jáne memlekettik nagrada – «Qurmet» ordeninen aıyrylyp, 40 mln teńge kóleminde aıyppulmen jazalandy», - delingen Sybaılas jemqorlyqqa qarsy qyzmettiń habarlamasynda.

Buǵan deıin aıtylǵandaı, ShQO Sybaılas jemqorlyqqa qarsy qyzmeti M.H.Musataev jergilikti turǵynnan JShS-ny ótkizilgen memlekettik satyp alý konkýrstarynyń jeńimpazy retinde taný máselesin oń sheship berdim dep jańylystyryp, 4 mln teńge kóleminde aqshalaı qarajat aldy degen kúdikke ilingen bolatyn.