ShQO-da 4 myńnan astam adamdy bankrot dep tanýdan bas tartyldy

ÓSKEMEN. KAZINFORM – Shyǵys Qazaqstan oblysynda jańa zań kúshine engeli beri naqty qansha adamnyń bankrot dep tanylǵany belgili boldy.

Qazaqstanda 2023 jyldyń 3 naýryzynan bastap halyqtyń qaryzdyq júktemesin azaıtýǵa baǵyttalǵan jańa zań kúshine engen. Onyń ShQO-da iske asyrylý barysy týraly oblystyq Memlekettik kirister departamenti basshysynyń orynbasary Qazybek Qoıshınov aıtyp berdi.

- Zań shyqqaly beri óńirde sottan tys bankrottyq rásimine 5 927 adamnan ótinish túsken. Onyń ishinde 651 azamat bankrot dep tanylsa, 4 145 ótinishke bas tartylǵan. Al sot arqyly bankrottyq rásimine 91 ótinish berildi. 22 adam bankrot dep tanylyp, 15 is boıynsha rásim jalǵasyp jatyr. Qalǵan ótinishter qaraýsyz qaldyrylǵan nemese keri qaıtarylǵan, - dedi ol.

Budan bólek, nesıe tóleý qabilettiligin qalpyna keltirý rásimin 19 adam tańdaǵan. Onyń ishinde 8 is boıynsha qaryzdy qaıta qurylymdaý jospary bekitildi.

Eske salsaq, bankrot dep tanylǵan qazaqstandyqtardyń 120 mlrd teńge qaryzy keshirilgeni habarlanǵan.