ShQO-da 4 bulǵyndy zańsyz aýlaǵan adam ustaldy

ÓSKEMEN. QazAqparat – Shyǵys Qazaqstan oblysy Altaı aýdanynda 4 bulǵyndy zańsyz aýlaǵan er adam ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, polıtseıler «Quqyqtyq tártip» jedel-aldyn alý sharasy barysynda zańsyz ań aýlaǵan 59 jastaǵy turǵyndy ustady.

«Belgili bolǵandaı, onyń omarta sharýashylyǵynyń mańynda bulǵyndar mekendegen. Muny kórgen er adam úıinen qaqpan alyp shyǵyp, ańdardy ańdyǵan. Sol keshte qaqpanǵa bulǵynnyń biri, kelesi kúni taǵy úsheýi túsip qaldy. Ol ańdardyń terisin sypyryp, etin ıtke bergen», - delingen aqparatta.

Jaýap alý barysynda kúdikti óz kinásin tolyqtaı moıyndady. Qazirgi ýaqytta oǵan qatysty QR QK-niń 337-baby 1-bóligine (Zańsyz ań aýlaý) sáıkes sotqa deıingi tergeý amaldary júrgizilýde.