ShQO-da 3800 gektarǵa jaıylǵan dala órti oqshaýlandy
ÓSKEMEN. QazAqparat – Shyǵys Qazaqstan oblysy Altaı aýdanynda 3800 gektarǵa jaıylǵan dala órti oqshaýlandy, dep habarlaıdy QazAqparat tilshisi
ShQO tótenshe jaǵdaılar departamenti baspasóz qyzmetiniń málimetine súıensek, Altaı aýdanyndaǵy dala órti 2 qyrkúıek kúni túski ýaqytta shyqty. «Zyrıan» orman sharýashylyǵyndaǵy jáne «Bykov» ormanshylyǵyndaǵy taýly aımaqta buta men shóp janǵan.
«Tilsiz jaýmen kúreske TJD órt sóndirýshileri, jergilikti atqarýshy organ ókilderi, ormanshylar men «Qazavıaormanqorǵaý» mekemesiniń qyzmetkerleri jumyldyryldy. Sondaı-aq 2 tikushaq iske qosylǵan. Sonyń nátıjesinde, 12 qyrkúıekte saǵat 18.00 shamasynda jalpy aýdany 3800 gektardy quraǵan qyzyl jalyn oqshaýlandy», - delingen aqparatta.
Eske salsaq, osyǵan deıin Shyǵys Qazaqstanda Katonqaraǵaı, Kúrshim aýdandaryndaǵy dala órtiniń taralýy toqtatylǵanyn habarlaǵan edik.
Foto: www.instagram.com/shygysqaz_tjd
