ShQO-da 38 myń bıýdjettik sala qyzmetkeriniń jalaqysy ósedi

ASTANA. QazAqparat - 2019 jyly ShQO-daǵy bıýdjettik sala qyzmetkerleriniń jalaqysy 35 paıyzǵa ósedi, dep habarlaıdy «QazAqparat» tilshisi.

«2019 jyldan bastap oblysta bıýdjettik saladaǵy 38 myń qyzmetkerdiń jalaqysy ortasha alǵanda 35 paıyzǵa ósedi», - dedi Shyǵys Qazaqstan oblysynyń ákimi Danıal Ahmetov OKQ-da ótken brıfıngte.

Bul rette, oblystyń 16 iri kásiporny óz qyzmetkerleriniń jalaqysyn ósirgen.

Kásipkerlik belsendilikti damytý jáne turǵyndardyń tabys deńgeıiniń ósirilýinde «Bıznestiń jol kartasy-2020» baǵdarlamasyn iske asyrýdy jalǵastyrý úlken ról atqaryp otyr.

3 jyldyń ishinde «BJK» boıynsha oblysta 15,6 mlrd. teńge somasyna 793 jobaǵa qoldaý kórsetildi. 2025 jylǵa deıin kásipkerlerdiń nesıelerin arzandatý jáne kepildendirýge 15 mlrd teńge bólý josparlanýda. «Aq nıet» jeńildikpen nesıelendirý oblystyq baǵdarlamasy boıynsha 2,7 mlrd teńgege 50 joba qarjylandyrylǵan.