ShQO-da 37 jastaǵy jigit kóligimen birge janyp ketti
ASTANA. QazAqparat - Shyǵys Qazaqstan oblysy Abaı aýdanynyń Kókbaı aýyldyq okrýgine qarasty «Jylysaı» ýchaskesinde 15 ga aýmaqta dalaly jer órtendi. Arada bir kún ótkennen keıin órt tirkelgen jerden 1980 jylǵy azamattyń denesi tabyldy, dep habarlaıdy «QazAqparat» HAA tilshisi.
ShQO jumyldyrý daıyndyǵy basqarmasynyń baspasóz qyzmetinen habarlaǵandaı, jergilikti órt sóndirý bólimine habarlama 8 shilde kúni saǵat 16:36 shamasynda kelip túsken. Oqıǵa ornyna jetken qutqarýshylar 15 ga aýmaqta jalyndap jatqan alqapty aýyzdyqtaýǵa kirisken.
«Arada bir kún ótkennen keıin saǵat 14:00 shamasynda órtengen aýmaqtan «Volkswagen Passat» kóligi, al onyń janynan denesi janyp ketken 1980 jylǵy azamattyń múrdesi tabyldy», - dep habarlady vedomstvodan.
ShQO TJD baspasóz qyzmetinen atap ótkendeı, ottyń shyǵýyna qaýipsizdik erejelerin saqtamaý nemese órtke qaýipti joǵary agregatpen abaısyz jumys atqarý sebep bolýy múmkin. Tilsiz jaý qazirgi ýaqytta tolyq aýyzdyqtaldy.
Aıan Bekenuly
