ShQO-da 37 qyzmetkerge jalaqy tólemegen kásiporyn jaýapkershilikke tartyldy

ÓSKEMEN. KAZINFORM –  ShQO Samar aýdanynyń prokýratýrasy júrgizgen taldaýmen «Samar» KMK eńbek kodeksiniń talaptaryn buzyp, 37 qyzmetkerge tamyz aıynda jalpy somasy 4,1 mln teńge jalaqy tólemegeni anyqtaldy.

«Aýdan prokýratýrasynyń qadaǵalaý aktisi boıynsha 2024 jylǵy 1 qazanda qyzmetkerler aldyndaǵy borysh tolyq kólemde óteldi», - dep habarlady ShQO prokýratýrasy.

Sondaı-aq, jalaqyny ýaqytyly tólemegeni úshin kásiporyn ÁQBtK-niń 87-baby boıynsha 221 520 teńge somasynda 60 AEK mólsherinde aıyppul túrinde ákimshilik jaýapkershilikke tartyldy.

ShQO-da 780 áıel dekrettik tólemdi arttyrý úshin jeke kásipker retinde tirkelgeni jaıly jazǵan bolatynbyz.