ShQO-da 37,4 myń adam sanıtarlyq talaptarǵa saı kelmeıtin jaǵdaıda jumys istegen
Bul týraly ShQO aımaqtyq kommýnıkatsııalar qyzmetinde ótken brıfıng barysynda aıtyldy.
«Óndiristegi jaraqattanýdy azaıtý, zańnama talaptarynyń saqtalýyna baqylaý júrgizýdiń tıimdiligin arttyrý maqsatynda oblysta 2025 jylǵa deıin qaýipsiz eńbek jaǵdaılaryn qamtamasyz etý jónindegi sharalar jospary bekitilgen. Búginde 14 kásiporynda «Halyqtyq baqylaý» jobasy júzege asyrylyp jatyr, onda 64 adam jumys isteıdi. 704 óndiristik keńes qurylǵan. «VisionZero» atty nóldik jaraqat tujyrymdamasyna 25 uıym qosylyp otyr», - deıdi oblystyq memlekettik eńbek ınspektsııasy basqarmasy basshysynyń orynbasary Qaırat Ábilqaıyrov
Onyń aıtýynsha, memlekettik eńbek ınspektsııasy basqarmasy, polıtsııa departamenti, densaýlyq saqtaý basqarmasy, oblystyq kásipodaq ortalyǵy jáne shaǵyn jáne orta bıznes qyzmetkerleriniń kásipodaǵy arasynda óndiristik jaraqattaný faktilerin jasyrý faktileriniń aldyn alý maqsatynda ózara yntymaqtastyq týraly memorandým jasaldy.
«Ótken jyly monıtorıng barysynda kásiporyndardaǵy 37,4 myń adam sanıtarlyq-gıgıenalyq talaptarǵa saı kelmeıtin jaǵdaıda jumys istegeni anyqtalyp, tıisti shara qabyldandy. 76,1 myń adam zııandy jáne basqa da qolaısyz eńbek jaǵdaılarynda jumys istegeni úshin 23 mıllıard teńgeden astam somada ótemaqy aldy», - deıdi basqarma basshysy.
2022 jyldyń tamyz aıynan beri óńir boıynsha 2798 qyzmetkeri bar 168 kásiporyn jazataıym oqıǵalardan saqtandyrý shartyn jasasqan.