ShQO-da 36 júrgizýshi mas kúıde rýlge otyrǵan

ÓSKEMEN. QazAqparat – Shyǵys Qazaqstan oblysynda ishimdik iship rýlge otyrǵan 36 adam ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 19 qańtardan bastap óńir aýmaǵynda «Quqyqtyq tártip» jedel aldyn alý sharasy júrgizilýde. Sol ýaqyttan beri oblysta 190 qylmys tirkelgen. Qazirgi ýaqytta onyń 130-y ashylyp otyr.

«Sondaı-aq jol qaýipsizdigin qamtamasyz etý maqsatynda júrgizýshiler jiti tekserilýde. Nátıjesinde, 36 mas júrgizýshi anyqtaldy. Máselen, Óskemendegi Tselınnaıa kóshesinde 40 jastaǵy er adam tizgindegen «Lada» kóligi toqtatyldy. Іshimdik iship alǵan onyń 2020 jyldyń mamyr aıynda kólik júrgizý quqyǵynan aıyrylǵandyǵy belgili boldy», - delingen aqparatta.

Qazirgi ýaqytta júrgizýshiniń kóligi arnaıy turaqqa qoıylǵan. Al er adamǵa 70 AEK kóleminde aıyppul salyndy.