ShQO-da 356 mln teńgeni qolma-qol aqshaǵa aınaldyrǵan toptyń isi sotqa joldandy
ÓSKEMEN. KAZINFORM – Qarjylyq monıtorıng agenttiginiń Shyǵys Qazaqstan oblysy boıynsha departamenti «Ýst-Kamenogorsk ınert» JShS atynan jalǵan shot-faktýralar rásimdeýmen aınalysqan toptyń áreketin toqtatty.
Tergeý málimetinshe, kúdiktiler 2023 jyldyń maýsym-qyrkúıek aılary aralyǵynda aýyr tehnıkaǵa arnalǵan qosalqy bólshekter jetkizilgeni týraly jalǵan býhgalterlik qujattardy júıeli túrde rásimdep otyrǵan.
Atalǵan qujattar arqyly olardyń seriktesteri korporatıvtik tabys salyǵy men qosylǵan qun salyǵyn tóleýden jaltarǵan.
Memlekettik kirister basqarmasynyń qyzmetkeri de zańsyz shemaǵa qatysqany anyqtalǵan.
- Ol salyqtyq baqylaýdan kedergisiz ótý úshin qajetti jalǵan qujattardy rásimdeýge kómektesken.
Tergeý barysynda qolma-qol aqshaǵa aınaldyrylǵan qarajat kólemi 356 mln teńgege jetkeni belgili boldy.
Al memleketke keltirilgen zalal 91 mln teńgeden asqan, - dep jazdy departamentten.
Sot sanktsııasymen kúdiktilerdiń 3 páteri men bir avtokóligine tyıym salyndy.
Qylmystyq is sotqa joldandy.
QR Qylmystyq-protsestik kodeksiniń 201-babyna sáıkes ózge aqparat jarııalanbaıdy.
Aıta keteıik, Óskemende para bergen máslıhat depýtatyna 100 mln teńge aıyppul salyndy.
