ShQO-da 35 myńǵa jýyq oqýshy qashyqtan bilim alyp jatyr

ÓSKEMEN. KAZINFORM – Shyǵys Qazaqstan oblysynda maýsymdyq ınfektsııa juqtyrǵandar sanynyń kóbeıýine baılanysty onlaınǵa oqýǵa kóshirilgen synyptar sany artyp keledi.

Oblystyq bilim basqarmasy baspasóz qyzmetiniń málimetine súıensek, óńir boıynsha 162 jalpy bilim beretin mekteptiń 2013 synybynda oqıtyn 34 655 bala ýaqytsha qashyqtan oqytý formatyna kóshirildi. Atalǵan synyptardaǵy 14 073 oqýshy maýsymdyq ınfektsııa juqtyrǵan.

- Qala, aýdanǵa bólip aıtar bolsaq, onlaın formatta oqyp jatqandardyń kóbi Óskemen qalasynda (46 mektep), Altaı aýdanynda (21 mektep), Glýbokoe jáne Shemonaıha aýdandarynda (16 mektep) tirkelgen. Al eń azy - Katonqaraǵaı aýdanynda (4 mektep). Bilim berý protsesi qashyqtan oqytý talaptaryna saı júrgizilip jatyr, - delingen aqparatta.

Al balabaqshalarda aýrý juqtyrǵan balalar sany – 7 879. Barlyq mektepke deıingi mekemeler qalypty rejımde jumys istep jatyr.

Eske salsaq, osyǵan deıin Óskemende JRVI juqtyrǵandar kóbeıip, aýrýhanalarda shekteý sharalary engizilgeni habarlanǵan.