ShQO-da 32 myńnan astam adam ákimshilik jaýapkershilikten bosatyldy
ÓSKEMEN. KAZINFORM – Shyǵys Qazaqstan oblysynda ákimshilik raqymshylyq qorytyndysy jarııalandy.
Óńir boıynsha ákimshilik raqymshylyq aıasynda 32 myńnan astam azamat ákimshilik jaýapkershilikten bosatylyp, jalpy somasy 880 mln teńgege jýyq aıyppul boıynsha is júrgizý toqtatyldy. Bul týraly ShQO PD Ákimshilik polıtsııa basqarmasy bastyǵynyń orynbasary Igor Klıshın málim etti.
- Shyǵys Qazaqstanda ákimshilik raqymshylyq aıasynda 60 myńnan astam ákimshilik is qysqartylǵan. Raqymshylyqqa ilikken azamattarǵa qatysty barlyq rásim avtomatty túrde júrgizilip, sheshimder Ákimshilik is júrgizýdiń biryńǵaı tizilimi arqyly qabyldandy. Azamattarǵa qabyldanǵan sheshimder týraly SMS-habarlamalar jiberilgen, - deıdi ol.
Raqymshylyq aıasynda atqarýshylyq is júrgizýler toqtatylyp, qoıylǵan shekteýler alynyp tastalyp, buryn ustalǵan kólikter ıelerine qaıtaryldy. Barlyq rásim azamattardyń qatysýynsyz tsıfrlyq formatta júzege asyryldy.
Eske salsaq, osyǵan deıin raqymshylyq aıasynda Pavlodarda boryshkerlerdiń 200 mln teńgeden astam aıyppuly keshirilgeni habarlanǵan.
