ShQO-da 300-den astam sheteldik ákimshilik jaýapqa tartyldy
ShQO Polıtsııa departamenti baspasóz qyzmetiniń málimetine súıensek, «Mıgrant» jedel aldyn alý sharasynyń alǵashqy 3 kúninde kóshi-qon týraly zańnamany buzǵany úshin 322 sheteldik QR ÁQBtK-niń 517-babyna sáıkes jaýapqa tartyldy. Onyń ishinde 15 shetel azamaty Qazaqstan Respýblıkasynyń aýmaǵynan shyǵarylǵan.
Budan bólek, 53 el azamaty kóship kelýshilerdiń óz úılerinde bolýy týraly ishki ister organdaryna ýaqtyly habardar etpegeni úshin aıyppul arqalady. Sheteldikterdi ýákiletti organnyń ruqsatynsyz jumysqa tartqan 21 kásipker de ákimshilik jaýapqa tartylǵan.
«Máselen, bıylǵy kóktemde Qazaqstanǵa kelip, tólqujatyn joǵaltyp alǵan jáne eline qaıtýǵa materıaldyq múmkindigi bolmaǵan 52 jastaǵy Reseı Federatsııasynyń azamaty anyqtaldy. 9 maýsymda ony «Fenıks» damý jáne beıimdelý ortalyǵy ókilderimen birlesip, elden shyǵardyq»,- dedi ShQO PD Kóshi-qon qyzmeti basqarmasynyń bastyǵy Erbol Bekpaev.
Aıta keteıik, «Mıgrant» jedel aldyn alý sharasy 16 maýsymǵa deıin jalǵasady.