ShQO-da 300-den astam kólik jolda kúrdeli jaǵdaıǵa tap boldy

ASTANA. KAZINFORM — Shyǵys Qazaqstan oblysynda qarly boran saldarynan jol qozǵalysy toqtady, dep habarlaıdy Polisia.kz.

Qarly boran saldarynan kóriný qashyqtyǵy kúrt tómendep, jeldiń kúsheıýi óńirdegi negizgi tasjoldarda úlken qıyndyqtar týǵyzdy. Óskemen — Altaı, Óskemen — Almaty, Óskemen — Samar jáne Óskemen — Shemonaıha baǵyttarynda 300-den astam kólik kúrdeli jaǵdaıǵa tap boldy.

— Polıtsııa jedel sharalar qabyldady. Patrýldik polıtsııa batalony joldardy táýlik boıy patrýldeýdi uıymdastyryp, 250-den astam kólikti qaýipsiz jerge jetkizýge kómektesti. Júrgizýshiler men jolaýshylardyń jaılylyǵy úshin polıtsııa qyzmetkerleri ystyq shaı men tamaq taratty. Al oraza ustaǵan azamattarǵa arnaıy azyq-túlik paketteri daıyndaldy. Qardyń qalyń jaýýy jáne kórinýdiń nasharlaýy kezinde eldi mekenderden tys jerlerge tek asa qajetti jaǵdaıda ǵana jol júrýge keńes beremiz, — dep eskertti tártip saqshylary.

Osydan buryn borandy kúnde elimizdiń aımaqtarynda 11 bala men 11 balyqshy qutqarylǵanyn jazdyq.