ShQO-da 300-den astam dáriger shetelde biliktiligin arttyrdy
ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov Óskemendegi onkologııalyq ortalyqqa baryp, atqarylyp jatqan jumystarmen tanysty, dep habarlaıdy QazAqparat tilshisi.
Óskemendegi onkologııalyq ortalyqqa Qazaqstannyń basqa klınıkalarynda balamasy joq biregeı jabdyq satyp alynǵan. Sońǵy modeldegi jabdyqtyń qýatty jelilik údetkishi sáýlelený dozasy men patsıentterdi emdeý ýaqytyn edáýir qysqartady. Ol aldyńǵyǵa qaraǵanda 10 ese kúshti jáne eń bastysy naýqastyń tynys alýymen sınhrondalady, sáýlelerdi qajet jerge baǵyttaıdy. Qazir údetkishti baptaý jáne qyzmetkerlerdi osy qondyrǵymen jumys isteýge úıretý protsesi júrip jatyr.
«Sońǵy birneshe jylda 300-den astam medıtsına qyzmetkeri álemniń úzdik klınıkalarynda bilim aldy. Qazir biz sannan sapaǵa kóship, naqty jumys isteýge tıispiz. ıAǵnı, hırýrgterdi biregeı onkologııalyq operatsııalardy jasaýǵa úıretýimiz kerek. Búginde syrqattanǵan azamattarymyz shet elderge baryp emdelýge májbúr. Biz olardyń óz elimizde emdelýine múmkindik jasaýymyz qajet. Syrttan tájirıbe jınap, bilimin jetildirgen, jańa tehnologııany meńgergen jańa formatsııadaǵy dárigerlerimizdiń sany artady», - dedi Danıal Ahmetov.
Satyp alynǵan zamanaýı jáne joǵary tehnologııaly jabdyqtar júzdegen onkologııalyq naýqastyń saýyǵyp ketýine múmkindik ashpaq. Sondaı-aq Máskeýdegi Gertsen atyndaǵy ınstıtýtpen kelissózder júrgizilgen. Birneshe dáriger Izraıl klınıkalaryna oqýǵa barady.
Onkologııalyq ortalyqtyń ózinde operatsııalyq bólmelerden palatalarǵa deıin tolyq qaıta jóndeldi. Endi ol medıtsınalyq qyzmet kórsetýdiń zamanaýı standarttaryna sáıkes keledi.
