ShQO-da 30 jylǵa jýyq halyqaralyq izdeýde júrgen reseılik ustaldy
ShQO Polıtsııa departamenti baspasóz qyzmetiniń málimetine súıensek, 25 qyrkúıek pen 1 qazan aralyǵynda óńir aýmaǵynda «Іzdeý» respýblıkalyq jedel-aldyn alý sharasy júrgizilýde.
Shara barysynda Semeı qalasyndaǵy krımınaldyq polıtsııa qyzmetkerleri 30 jylǵa jýyq Reseı Federatsııasynyń quqyq qorǵaý organdarynan jasyrynyp kelgen sol eldiń azamatyn ustady. Belgili bolǵandaı, ol 1992 jyldyń aqpanynan bastap adam ólimine ákep soqqan dene jaraqatyn keltirý faktisine baılanysty asa aýyr qylmys jasaǵany úshin memleketaralyq izdeýde bolǵan.
«Tártip saqshylary kelip túsken jedel aqparattyń nátıjesinde, uzaq ýaqyt boıy jasyrynyp kelgen er adamdy anyqtady. Reseılik birge turǵan áıelge ózin jalǵan atpen tanystyryp, shynaıy derekterdi jasyryp kelgen. Qazirgi ýaqytta qylmyskerdi Reseı Federatsııasyna ekstradıtsııalaý máselesi sheshilýde», - dedi oblystyq PD bastyǵynyń orynbasary Talǵat Shaıahmetov.