ShQO-da 30 myńǵa jýyq adam jer kezeginde tur

ÓSKEMEN. QazAqparat - Shyǵys Qazaqstanda 29 389 adam jer kezeginde tur. Bul týraly ákimdiktiń keńeıtilgen apparat keńesinde aıtyldy, dep habarlaıdy QazAqparat tilshisi.

Oblys ákiminiń orynbasary Serik Aqtanovtyń aıtýynsha, qaladan jer alyp, úı salǵysy keletinderdiń sany jyl saıyn artyp keledi. Ásirese Semeı qalasynda jer telimine degen suranys orasan. Qala ákimdigine 24 318 turǵynnan ótinish túsken. Óskemende 3913 adam, Rıdderde - 55, Aıagóz aýdanynda -320, Zaısan aýdanynda - 683, Ulan aýdanynda 109 adam jer kezeginde tur.

«Semeılikterdiń suranysyn qamtamasyz etý úshin Aqsaı dep atalatyn jańa turǵyn aýdan qurmaqpyz.  Al Óskemende №28 shaǵyn aýdannan 108,3 ga jer bólinip otyr. Investıtsııa jáne damý mınıstrligi Óskemende boı kóteretin 54 jer úıdiń qurylysyna 625,4 mln teńge qaryz bóldi. Alǵashqy 10 úıdiń aýdany 130 sharshy metr, odan keıingi 13 úıdiń aýdany 100 sharshy metr, sońǵy 31 úıdiń aýdany 80 sharshy metr bolmaq. Jer alǵysy kelgender ulttyq qordyń úı qurylysyna bólgen qaryzyn qaıtarýy kerek», - dedi Serik Aqtanov.

Al Semeıdiń Aqsaı aýdanynda áýeli 50 jeke turǵyn úı salynady. Qurylysqa 3 merdiger kompanııa tartylmaq.  Jalpy ShQO boıynsha jer úılerge arnap 74 tıtik joba daıyndalǵan. Ony jergilikti ákimdikter halyqqa tegin usynýy tıis. Atalmysh jobalar https:depstory.vko.gov.kz saıtyna da ornalastyrylǵan.