ShQO-da 3 jasar bala sýǵa batyp ketti
ÓSKEMEN. KAZINFORM – Búgin Shyǵys Qazaqstan oblysynda 3 jasar bala ózenge batyp ketti.
ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 2-maýsym kúni Ulan aýdanynda bolǵan.
– Januzaq aýylyndaǵy Ulan ózeninde 3 jasar bala sýǵa batyp ketti. Aldyn ala boljam boıynsha bala ata-anasynyń qaraýynsyz qalǵan, - dep habarlady vedomstvo ókilderi.
Osy rette, oblystyq TJD mamandary ata-analardan jaǵalaýda, sýda balalaryn qaraýsyz qaldyrmaýdy, qaýipsizdik erejelerin qatań saqtaýdy suraıdy.
– Sý aıdyndarynda balalardyń oınaýyna jol bermeý kerek. Tótenshe jaǵdaı kezinde birden 112 nómerine habarlasyńyzdar, - delingen aqparatta.
Eske salsaq, osyǵan deıin Shyǵys Qazaqstan oblysynda aldaǵy shomylý maýsymynda 74 ýchaskede sýǵa túsýge tyıym salynǵany habarlanǵan.
