ShQO-da 3 jarym gektarǵa taraǵan órt sóndirildi
ShQO Tótenshe jaǵdaılar departamenti baspasóz qyzmetiniń málimetine súıensek, 29 sáýirde Glýbokoe aýdany Beloýsovka kentinde qurǵaq shóp órtengen.
«Qutqarýshylar men jergilikti atqarýshy organ ókilderi otty aýyzdyqtaýǵa kiristi. Kóp uzamaı jalpy aýmaǵy 3,5 gektardy qamtyǵan órt tolyqtaı sóndirildi. Aldyn ala málimet boıynsha qyzyl jalynnyń shyǵýyna – baqtashylardyń qurǵaq shópti órteýi sebep bolǵan. Shópke laqtyrylǵan temeki tuqylynan, balalardyń sirińkemen oınaýy saldarynan órt shyǵýy múmkin. Osy rette, órt qaýipsizdigi talaptaryn buzǵan azamattar jaýapqa tartylatynyn eskertemiz», - dep habarlady vedomstvo ókilderi.
Aıta keteıik, tilsiz jaýmen kúreske departamentten 13 adam, 2 tehnıka jáne jergilikti atqarýshy organdardan 21 adam jumyldyrylǵan.