ShQO-da 3 shaqyrymdyq jol qurylysyna 2,7 mlrd teńge bólinbek
ÓSKEMEN. QazAqparat - Óskemende syrttan keletin kólikter qalany aınalyp ótetin avtojol qurylysy bastaldy. Úsh shaqyrymdyq nysannyń quny 2,7 mlrd teńge, dep habarlaıdy QazAqparat tilshisi.
Qaladaǵy kólik keptelisin azaıtý maqsatynda qolǵa alynǵan qurylys jumystarymen tanysqan oblys ákimi Danıal Ahmetov merdiger kompanııalardy táýliktik rejimge kóshýge shaqyrdy.
«Maýsymnyń ortasy taıap qalsa da, jumystyń mandıtyn túri joq. Qala ishindegi joldardy da tezirek qoldanysqa berý kerek. El áýrege túsip jatyr. Sondyqtan moınynda mindeti bar merdigerler táýlikti rejimge kóshsin» - dedi Danıal Ahmetov.
Atalmysh aınalma jol Almaty, Semeı baǵytyndaǵy joldardy Samar tasjolyna tikeleı qosatyn bolady. Osynyń arqasynda syrttan kelgen kólikter qalanyń ishinde bógelmeı, aınalma jolmen qatynamaq.
«Bul jol qala ishindegi Sátbaev dańǵylynan Sheshek asýyna deıin jalǵasady. Asý tym bıik bolǵandyqtan, jol taǵanyn 10 metrge kóterý qajet. Eki arada batpaqty ýchaske bar bolyp shyqty. Ol jerdi 2 metr tereńdikte arshyp, ornyna qıyrshyq tósedik. Osy sııaqty qosymsha shyǵyndar jobalaý qujattarynda qarastyrylmaǵan», - dedi merdiger kompanııa basshysy Ulyqbek Tumashınov.
Bıyl joldyń taǵanyn tóseýge 146 mln teńge bólingen. Endi taǵy 1,2 mlrd teńge qarastyrylmaq. Nysan keler jyly qoldanysqa beriledi dep kútilýde.
