ShQO-da 3 myńnan astam balaǵa kómek kórsetildi
Bul jaıly oblystyq Aqparat ortalyǵynda ótken baspasóz brıfıngi barysynda ShQO Bilim basqarmasy basshysynyń mindetin atqarýshy Alıma Aqylbekqyzy málim etti.
«2022 jyly oblys boıynsha «Jalpyǵa mindetti oqytý» qorynyń shyǵyndary 1891 mln teńgeni qurady. 25 tamyzǵa deıin kópbalaly jáne az qamtylǵan otbasylardyń barlyq oqýshylary jańa mektep formasymen jáne aıaq kıimmen qamtamasyz etiledi. Sonymen qatar bıylǵy Balalar jyly aıasynda óńirde «Mektepke jol» aktsııasy ótýde. 3 345 balaǵa mektep, sporttyq kıim, aıaq kıim, keńse taýarlary túrinde 22 mln teńgeden astam somaǵa demeýshilik kómek kórsetildi», - dedi ol.
Alıma Aqylbekqyzynyń aıtýynsha, bilim berý uıymdarynda balalar úshin qaýipsiz orta týǵyzý úshin barlyq jumystar atqarylýda. Osy maqsatta jalpy bilim beretin mektepter men balabaqshalardyń 100%-y beınebaqylaý júıelerimen jabdyqtalǵan.
