ShQO-da 3 myńnan astam adamǵa koronavırýsqa qarsy vaktsına egildi
ÓSKEMEN. QazAqparat – Shyǵys Qazaqstan oblysynda koronavırýsqa qarsy vaktsına egýdiń ekinshi kezeńi júrgizilýde, dep habarlaıdy QazAqparat tilshisi.
Vaktsınatsııanyń ekinshi kezeńi 4 naýryzda bastalǵan. Qazirgi ýaqytta 3114 adamǵa vaktsına egildi. Dárigerlerden keıin quqyq qorǵaý organdarynyń ókilderi, muǵalimder, memlekettik qyzmetshiler men jýrnalıster egiledi. Búgingi tańda óńirge 10 myńnan astam doza jetkizilgen. 1 sáýirge deıin taǵy 11 200 doza satyp alý josparlanyp otyr.
Aımaq basshysy Danıal Ahmetovtiń aıtýynsha, táýligine vırýs juqtyrý jaǵdaılary 20-dan aspaıdy. Jalpy pandemııa bastalǵaly beri Shyǵys Qazaqstan oblysynda 22 myńnan astam adam SOVID-19 ınfektsııasyna shaldyqqan.
«Orynbasarym Shákárim Buqtuǵutovqa on kún ishinde tolyqtaı vaktsınatsııaǵa daıyndyq týraly, termokonteınerler men muzdatqyshtardyń sany jaıly esep berýdi tapsyramyn. Sondaı-aq jaǵdaıdy taldap, kúzde tumaýǵa qarsy qansha vaktsına satyp alý kerektigin anyqtaý qajet», - dedi oblys ákimi.
Aıta keteıik, ımmýndyq plazmany durys saqtaýdy qamtamasyz etý úshin Óskemen men Semeı qalalaryndaǵy eki qan ortalyǵyna 20 muzdatqysh alynǵan.
