ShQO-da 3 medıtsına qyzmetkeri psıhotroptyq zattardy satyp kelgen

ÓSKEMEN. QazAqparat – Shyǵys Qazaqstan oblysynda psıhotroptyq zattardy zańsyz satqan 3 medıtsına qyzmetkerine qatysty qylmystyq is qozǵaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda esirtki aınalymyna qatysty quqyq buzýshylyqtardy anyqtaýǵa baǵyttalǵan «Dármek» jedel-aldyn alý sharasyn júrgizdi.

«Shara barysynda quramynda esirtki jáne psıhotroptyq zattar bar dárilerdi retseptsiz jiberý, osyndaı zattarmen jumys isteý erejelerin buzý faktilerine erekshe nazar aýdarylǵan. 19 dárihana, 12 emhana men 7 kásiporyn tekserildi. Nátıjesinde, psıhotroptyq zattardy zańsyz satqan 3 medıtsına qyzmetkeri anyqtaldy. Olarǵa qatysty QR QK-niń 303-babyna sáıkes qylmystyq is qozǵaldy», - delingen aqparatta.

Sondaı-aq Semeı qalasyndaǵy dárihana farmatsevti dárilerdi retseptsiz bosatqan. Qazirgi ýaqytta QR ÁQBtK-niń 426-baby boıynsha tıisti materıal ShQO Sanıtarlyq-epıdemıologııalyq baqylaý departamentine joldandy.