ShQO-da 3 eldi mekendi sý basýdan aman alyp qalý sharalary júrgizilip jatyr

ÓSKEMEN. QazAqparat – Shyǵys Qazaqstan oblysynda Altaı aýdanyndaǵy 3 eldi mekendi sý basýdan aman alyp qalý úshin muz jarý jumystary júrgizilip jatyr, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Altaı aýdanyndaǵy Maleevsk, Bogatyrevo jáne Bykovo aýyldaryndaǵy Buqtyrma ózeninde muz jarý jumystary júrgizildi. Mundaǵy maqsat – muz keptelisin boldyrmaý, eldi mekenderdi sý basýynyń aldyn alý.

Jarylystar nátıjesinde, jalpy aýdany 49 500 sharshy metr aýmaqta muz usaqtaldy. Barlyǵy 2750 keli jarylǵysh zat paıdalanyldy.

«Muz jarý sý tasqynyna qarsy sharalar aıasynda qolǵa alynýda. Qutqarýshylarǵa jergilikti atqarýshy organ ókilderi de kómek kórsetip jatyr. Jarylys kópirler men eldi mekenderdiń janyndaǵy muz qalyń jerlerde júrgizildi», - delingen aqparatta.

Eske salsaq, osyǵan deıin ShQO-da sý tasqyny qaýpi bar ýchaskelerge tikushaqpen barlaý júrgizilgeni habarlandy.