ShQO-da 3 adam aıazdy kúni jolda qalǵan
ÓSKEMEN. QazAqparat – Shyǵys Qazaqstan oblysynda aıazda jolda qalǵan 3 adam evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 5 qańtarda saǵat 16.00 shamasynda №38 órt sóndirý bóliminiń qutqarýshylary Ulan aýdanynda jolda qalǵan azamattarǵa kómek kórsetti. Belgili bolǵandaı, «Óskemen-Semeı» tasjolynda kele jatqan «Subaru outback» markaly kólik buzylyp qalǵan.
«Oqıǵa ornyna kelip jetken qutqarýshylar úsh adamdy eń jaqyn ornalasqan Tavrııa aýylyna jetkizdi», - dep habarlady vedomstvo ókilderi.
Osy rette, TJD turǵyndarǵa alys saparǵa shyqqan kezde Darmen mobıldi qosymshasy arqyly joldardyń jaı-kúıi týraly aldyn ala bilip alýǵa keńes beredi.
