ShQO-da 29 mektep oqýshysynan koronavırýs anyqtaldy
ÓSKEMEN. QazAqparat – Shyǵys Qazaqstan oblysynda 2020 jylǵy 1 qyrkúıekten 1 qazanǵa deıin 29 mektep oqýshysy koronavırýs juqtyrǵan.
Olardyń 13-i kezekshi synyptarda, qalǵan 16-sy qashyqtan oqıdy, dep habarlaıdy QazAqparat tilshisi ShQO Taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetine silteme jasap.
30 qyrkúıektegi sońǵy málimetter boıynsha 27 oqýshynyń 6-ýy emdelip shyǵyp, oqýdy jalǵastyrýda. 12 oqýshydan COVID-19 vırýsy kúnde júrgiziletin tańerteńgi tekserý kezinde anyqtalǵan.
«ShQO aýmaǵynda koronavırýs oshaǵyna aınalǵan mektepterdegi kezekshi synyptardy qashyqtan oqytýǵa aýystyrý týraly qaýly shyǵaryldy. Qaýipti vırýs anyqtalǵan barlyq mektepte epıdemııaǵa qarsy santıarııalyq-dezınfektsııalyq sharalar júrgizildi», - dep túsindirdi baspasóz qyzmeti.
Oblystyq bilim basqarmasynyń málimetinshe oblysta191 757 oqýshy oqıtyn 647 mektep bar. Onyń ishinde 37 078 bala oqıtyn 376 (58,0%) mektep turaqty rejımde, 107 543 oqýshysy bar 271 mektep (42,0%) qashyqtyqtan jumys isteıdi.
Rýslan Shaqabaev
