ShQO-da 276,6 myń gektar jer memleketke qaıtaryldy
ÓSKEMEN. QazAqparat - Shyǵys Qazaqstan oblystyq prokýratýrasynyń áreket etýimen 2018 jyldyń qańtarynan bastap 126 jer telimi memleket menshigine qaıtarylǵan. Olardyń kadastrlyq quny 2 mlrd teńgeden assa, jalpy aýdany 25,5 myń gektardy quraıdy, dep habarlaıdy QazAqparat tilshisi.
Quzyrly organnyń baspasóz qyzmetiniń habarlaýynsha, tıimsiz paıdalanylǵan telimderdi memleketke qaıtarýda jer qatynasyn retteýshi vedomstvolar da qarap qalmaǵan. Olardyń bastamasymen 251 myń gektardy quraıtyn 222 jer ýchaskesi ıesinen qaıtaryp alynǵan. Osylaısha memleket menshigine 276,6 myń gektar jer qaıtqan. Qazirgi tańda jaýapty organdardyń nazary Alakól men Sibe kóliniń jaǵalaýynan zańsyz berilgen telimderge aýyp otyr.
Aýdandyq jáne qalalyq ákimdikterdiń málimeti boıynsha, oblys aýmaǵynda 154 myńnan astam gektardy alyp jatqan 200 jer telimi múlde paıdalanylmaı jatyr. Olardyń basym bóligi Zyrıan aýdanyndaǵy Buqtyrma sý qoımasynan berilgeni málim. Al Óskemen qalasynda Sátpaev dańǵyly men Samar tasjolynyń boıynda, №19 jáne 21 móltek aýdandarda ıesi ıgilikke jarata almaǵan jerler anyqtalǵan.
Oblystyq prokýratýra bul ýchaskelerdi memleketke qaıtarý jumystaryn shırata túspekshi.
