ShQO-da 27 bas iri qara urlaǵan baýkespe ustaldy
ÓSKEMEN. QazAqparat - Shyǵys Qazaqstanda soǵym maýsymy jaqyndaǵan saıyn mal urlyǵy údep tur, dep habarlaıdy QazAqparat tilshisi oblystyq Polıtsııa deprtamentiniń baspasóz qyzmetine silteme jasap.
Tarbaǵataı aýdanynda 27 bas iri qarany tıep áketken ury qolǵa tústi. Tutas bir tabyndy jaıylymnan tıep áketken baýkespe Mańyraq aýylynan shyǵa beriste polıtsııa qyzmetkerlerine tutylǵan. KamAZ kóliginiń júrgizýshisinde áketip bara jatqan malǵa tıesili qujattar bolmaı shyqqan. Keıin urlanǵan maldyń ıesi tabyldy. Materıaldyq shyǵyn mólsheri 8 mln teńgege baǵalandy.
«Soǵym jaqyndaǵan saıyn mal urlyǵy órshıdi. Bul jylda qaıtalanady. Bıyl da osy kezeńdegi jedel-aldyn alý sharalaryn kúsheıttik. Nátıjesin berip jatyr. Maldyń kóbi jaıylymda qaraýsyz qalǵan jerinen urlanady. Sondyqtan, kúz aılarynda mal ıelerine de saqtyqty kúsheıtý qajet» - deıdi oblystyq Polıtsııa departamentiniń memlekettik til jáne aqparat basqarmasynyń basshysy Áıgerim Nurǵazına.
