ShQO-da 2500-den astam adamnan onkologııalyq aýrý anyqtaldy

ÓSKEMEN. KAZINFORM – Shyǵys Qazaqstan oblysynda bir jyl ishinde 2 556 jańa onkologııalyq aýrý anyqtaldy.

Óńirde ótken jylǵa arnalǵan onkologııalyq aýrýlarmen kúres jónindegi keshendi jospardyń iske asyrylý qorytyndylary shyǵaryldy.

Kópbeıindi Onkologııa jáne hırýrgııa ortalyǵynyń dırektory Gúlmıra Saǵıdýllınanyń málimetinshe, qazirgi tańda oblys boıynsha 15 134 naýqas dıspanserlik esepte tur. Al ótken jyly 2 556 jańa onkologııalyq aýrý tirkelgen.

- Basty maqsat - aýrýdy tek emdeý ǵana emes, ony erte kezeńde anyqtaý. Qazirgi tańda erte dıagnostıka naýqastyń ómir sapasyn aıqyndap, alǵa boljam jasaıdy. 2025 jyly oblys boıynsha 140 myńnan astam turǵyn skrınıngtik tekserýden ótti. Bul qaterli isiktiń asqynǵan túrlerin azaıtýǵa septigin tıgizdi, - deıdi Gúlmıra Saǵıdýllına.

Oblysta onkolog-dárigerler tapshylyǵy áli de bar. Atap aıtqanda, Samar jáne Kúrshim aýdandaryna maman jetispeıdi.

Eske salsaq, osyǵan deıin Aqtaýda onkologııalyq aýrýlardy erte anyqtaıtyn ortalyq ashyldy.