ShQO-da 25 myńnan astam adam kólik salyǵyn tólemeı júr

ÓSKEMEN. QazAqparat – Shyǵys Qazaqstan oblysynda 25 myńnan astam adam kólik salyǵyn áli tólemegen, dep habarlaıdy QazAqparat tilshisi.

ShQO boıynsha memlekettik kirister departamentiniń málimetine súıensek, óńirde múlik jáne kólik salyǵyn tólemegenderge eskertý jiberilip jatyr.

Jalpy oblys boıynsha 7347 adamnyń múlik salyǵy boıynsha 9,5 mln teńgege jýyq bereshegi bar. Al kólik salyǵyn tólemegender budan áldeqaıda kóp.

Naqty aıtqanda, 25 991 adamnyń kólik salyǵy boıynsha memleketke 680 mln teńgege jýyq qaryzy bar.

«Múlik salyǵynyń shot-faktýralary salyq kezeńinen keıingi jyldyń 1 shildesinen keshiktirilmeı beriledi. Sáıkesinshe, salyq 1 qazannan keshiktirmeı tólenýi tıis. Kólik salyǵy bolsa 1 sáýirden keshiktirmeı tólenýi kerek. Salyq bereshegin e-Salyk Azamat mobıldi qosymshasy arqyly tekserip bilýge bolady», - delingen aqparatta.