ShQO-da 25 qutqarýshy Qatonqaraǵaıdyń sý basý qaýpi bar aýmaǵyna jóneltildi
ÓSKEMEN. QazAqparat - Qatonqaraǵaı jáne Besqaraǵaı aýdandarynyń aımaqtaryna erekshe mán berilýde. Aýmaqtaǵy ahýaldy ShÓAJQJ (Shyǵys óńirlik aeromobıldi jedel-qutqarý jasaǵy) qutqarý qurylymdary men ShQO TJD «Órt sóndirý jáne apattyq qutqarý jumystary qyzmetiniń» 25 qyzmetkeri baqylaýda, dep habarlaıdy oblystyq departament.
Óskemen qalasynyń taǵy bir qutqarýshylar toby erteń Zyrıanov aýdanyna jóneltiledi.
Aımaqtaǵy jaǵdaı baqylaýǵa alyndy. Ázirge aımaqta qutqarýshylar oqıǵa ornyna baryp motosorǵy arqyly sýdy shyǵarýda. Mundaı jaǵdaı birli-jarym ret qana tirkeldi. Degenmen turǵyndar aýladaǵy qardy shyǵaryp, aryqtardy qoqystan tazartqan jaǵdaıda osyndaı oqıǵa bolmas ta edi.
Óńirde sý basýdyń aldyn alý sharalary ýaqytynda atqaryla bastady.
TJD baspasóz qyzmetiniń habarlaýynsha, oblysta 35 ýchaskede sý basý qaýpi bar. Ǵaryshtan qardyń erýi baqylanýda, toǵan men bógetterdiń jaǵdaıyn nazarda ustaý úshin táýlik boıy kezekshilik uıymdastyryldy.
