ShQO-da 24 nysan «Ashyq» jobasynan shyǵaryldy
Úsh aıdan astam ýaqyt boıy oblysta PTR-diń jalpy bazasymen biriktirilgen QRkod arqyly mekemelerge kelýshilerdiń mártebesin anyqtaýǵa múmkindik beretin «ASHYQ» qosymshasy jumys istep keledi. Atalǵan jobanyń kómegimen aımaqtaǵy 600-ge jýyq mekeme qatań karantın shekteýleri jaǵdaıynda jeńildikterge ıe boldy.
Búgingi tańda oblysta QR-kodtty eń kóp paıdalanǵan 59 uıym anyqtaldy. Atap aıtsaq, Óskemende 17, Semeıde 37 kásiporyn jáne Rıdder, Kýrchatov qalalary, sondaı-aq, Úrjar, Aıagóz jáne Kúrshim aýdandarynan árqaısysynan 1 mekemeden «Ashyq» jobasyna kirip otyr. Olardyń arasynda qoǵamdyq tamaqtandyrý oryndary da, mádenıet, sport jáne bıznes obektileri de bar.
«ASHYQ» jobasynan shyǵarylatyn mekemeler anyqtaldy. Karantın talaptaryn buzý sebepteri boıynsha jobadan barlyǵy 24 nysan alynyp tastaldy. Atap aıtqanda, Óskemende - 8, Semeıde - 4, Altaı aýdanynda - 6, Úrjar aýdanynda - 2, Abaı, Jarma, Zaısan jáne Katonqaraǵaı aýdandarynda bir-birden. Olardyń arasynda saýda obektileri, sanıtarlyq-kýrorttyq demlys jáne memlekettik mekemeler bar, - dep habarlady ShQO Aqparat ortalyǵy.
