ShQO-da 236 keli maral múıizin urlaǵan er adam Almatyda ustaldy
ÓSKEMEN. QazAqparat – Shyǵys Qazaqstan oblysy Zaısan aýdanynda 236 keli maral múıizi urlanǵan, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 236 keli múıiz Zaısan qalasyndaǵy jaýapkershiligi shekteýli seriktestikterdiń birine tıesili. 62 jastaǵy kúzetshi polıtsııaǵa habarlasyp, qyzyl kitapqa engen ań múıizderiniń urlanǵanyn aıtqan.
«Túngi ýaqytta belgisiz bireý JShS aýmaǵyna kirip, konteınerdiń qulybyn buzyp, múıizder salynǵan qoraptardy urlap ketkeni anyqtaldy. Kúdikti Almaty qalasynda ustaldy. Ol 23 jastaǵy Zaısan aýdanynyń turǵyny bolyp shyqty», - dedi ShQO PD bastyǵy Saǵat Madıev.
Er adam polıtsııa qyzmetkerlerin baıqaǵan kezde urlanǵan múıizderden qutylmaq bolyp, kóliginen joldyń boıyna laqtyryp ketken.
Qazirgi ýaqytta tergeý amaldary jalǵasýda. Atalǵan fakti QR QK-niń 188-baby 3-bóligi 3-tarmaǵy boıynsha sotqa deıingi tergep-tekserýdiń biryńǵaı tizilimine engizilgen.
