ShQO-da 23 myńnan astam adamǵa vaktsına salyndy
ÓSKEMEN. QazAqparat – Shyǵys Qazaqstan oblysynda 23 myńnan astam adam koronavırýsqa qarsy vaktsına aldy, dep habarlaıdy QazAqparat tilshisi.
ShQO Densaýlyq saqtaý basqarmasynyń málimetine súıensek, búgingi tańda óńir boıynsha 23 238 adamǵa SOVID-19 ınfektsııasyna qarsy vaktsınanyń birinshi komponenti salyndy. Onyń ishinde 297 memlekettik qyzmetker, sozylmaly aýrýlarmen aýyratyn 2349 adam, 9620 medıtsına qyzmetkeri, 2885 muǵalim, medıtsınalyq-áleýmettik jáne jabyq balalar mekemeleriniń 342 mamany bar.
«Sonymen qatar koronavırýsqa qarsy vaktsınany 457 ýchaskelik polıtseı, 2899 quqyq qorǵaý organdarynyń qyzmetkeri, buqaralyq aqparat quraldarynyń 24 ókili, halyqqa qyzmet kórsetý ortalyqtarynyń 27 mamany, Qazaqstan Respýblıkasynda tirkelgen dıplomatııalyq jáne konsýldyq mekemelerdiń, halyqaralyq uıymdardyń 17 qyzmetkeri aldy. Ekpe saldyrǵandar arasynda stýdentter sany – 101», - delingen habarlamada.
Jalpy óńir boıynsha revaktsınatsııadan ótkender sany 7 086 adamdy qurap otyr.
