ShQO-da 21 jastaǵy mas júrgizýshiniń kinásinen jol apaty boldy
KÝRChATOV. QazAqparat — Shyǵys Qazaqstan oblysynda mas júrgizýshi jol-kólik oqıǵasyn jasady, dep habarlaıdy QazAqparat ShQO polıtsııa departamentiniń baspasóz qyzmetine silteme jasap.
Polıtsııa beınebaqylaý kameralaryna monıtorıng júrgizý barysynda Kýrchatov qalasynda quqyq buzýshylyq faktisi oryn alǵanyn anyqtaǵanyn habarlady. «VAZ 2106» markaly avtokólik júrgizýshisi úılerdiń biriniń aýlasynda kólik turaǵynda turǵan «BMW 323» markaly kóligimen soqtyǵysqandyǵy anyqtaldy.
«Oqıǵa ornyna birden jedel top jiberildi. Tekseris kezinde mas kúıinde «VAZ 2106» markaly avtokólik rýline otyrǵan 21 jastaǵy júrgizýshi ustaldy. Bul rette ustalǵan azamat 2019 jyldyń qarasha aıynda úsh jyl merzimge kólik quralyn basqarý quqyǵynan aıyrylǵan eken», — dep túsindirdi ShQO PD baspasóz qyzmetinde.
Sotqa deıingi tergeý barysynda júrgizýshi kinásin moıyndady. Jaqyn arada materıal Kýrchatov qalalyq sotyna jiberiledi dep josparlanýda.
Avtor:
Oral Erlanýly
