ShQO-da 200 sharshy metrge jaıylǵan qoımadaǵy órt sóndirildi
ÓSKEMEN. QazAqparat – Shyǵys Qazaqstan oblysynda mekemelerdiń biriniń paıdalanýsyz turǵan qoımasynan órt shyqty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 29 qarashada saǵat 23.00 shamasynda Óskemen qalasyndaǵy Beıbitshilik kóshesinde ornalasqan qoımanyń shatyrynda órt shyqqan. Oqıǵa ornyna dereý jetken qutqarýshylar tilsiz jaýdy aýyzdyqtaýǵa kiristi.
«50 mınýt ishinde jalpy aýmaǵy 200 sharshy metrdi quraǵan qyzyl jalyn tolyqtaı óshirildi. Qazirgi ýaqytta órttiń shyǵý sebebi anyqtalýda. Zardap shekkendert joq», - dep habarlady vedomstvo ókilderi.
Órtpen kúreske 8 tehnıka men jeke quramnan 38 adam jumyldyrylǵan. Osy rette, TJD turǵyndarǵa órt qaýipsizdigi erejelerin qatań saqtaý qajettigin eskertedi.
