ShQO-da 200 mıllıonnan astam aǵash otyrǵyzylady
ÓSKEMEN. QazAqparat – Shyǵys Qazaqstan oblysynda jyl basynan beri 24 myńnan astam aǵash otyrǵyzylǵan, dep habarlaıdy QazAqparat tilshisi.
ShQO Orman sharýashylyǵy jáne janýarlar dúnıesi ınspektsııasynyń málimetine súıensek, osy jyldyń mamyr aıynan bastap «Taza tabıǵat» aktsııasy qolǵa alynǵan. Sonyń aıasynda 2025 jylǵa deıin oblysta 200 mıllıonnan astam aǵash otyrǵyzý josparlanýda.
«Jyl basynan beri aımaq boıynsha 24 myńnan astam aǵash otyrǵyzyldy. Onyń ishinde 20 myń qaraǵaı, 4 jarym myń shyrma men samyrsyn. Óskemen, Semeı qalalarynda jáne oblystyń birqatar aýdanynda jańa alleıalar paıda boldy. Aldaǵy ýaqytta osy baǵyttaǵy jumystar kúsheıtiledi», - dedi ınspektsııa basshysy Dildábek Orazbaev.
Onyń aıtýynsha, «Taza tabıǵat» aktsııasy aıasynda 2025 jylǵa deıin elimizde 2 mıllıard aǵash otyrǵyzý kózdelgen.
