ShQO-da 200 gektar jer órtenip ketti
ÓSKEMEN. QazAqparat - Shyǵys Qazaqstannyń Kúrshim aýdany men Semeı qalasynyń irgesinde 200 gektar jazyq dala órtke orandy, dep habarlaıdy QazAqparat tilshisi.
Kúrshim aýdanyndaǵy órt keshe tús mezgilinde bastalyp, búgin tańǵy saǵat 7-ler shamasynda aýyzdyqtaldy. Qyzyl jalyndy aýyzdyqtaýǵa jergilikti tótenshe jaǵdaı qyzmetiniń 8 jaýyngeri men 2 avtotsısterna jáne aýyl Qyryqqudyq eldi mekeniniń turǵyndary jumyldyrylǵan. Órt 10 gektar jazyqty qamtydy. Órt sóndirýshiler ot shalǵan aýmaqty áli baqylap otyr.
Semeı qalasynyń irgesindegi Shekeman aýylynda da 100 gektar alqap otqa orandy. Órt aýylǵa 5 shaqyrymdaı jerge jetip sóngen. Tańǵy saǵat 5.00-de onyń sońǵy oshaǵy joıyldy.
«Órtten zardap shekkender joq. Egistik pen malǵa da zııan tımegen. Órttiń sebepteri anyqtalý ústinde» - deıdi oblystyq tótenshe jaǵdaılar departamentiniń baspasóz hatshysy Anastasııa Sklıar.
