ShQO-da 20 jastaǵy qyz sýǵa batyp ketti
ÓSKEMEN. QazAqparat - ShQO-da sýǵa batyp ketken 20 jastaǵy qyzdyń denesin qutqarýshylar 20 metr tereńdikten alyp shyqty, dep habarlaıdy óńirlik TJD baspasóz qyzmeti.
7 shilde kúni Besqaraǵaı aýdanynan bir top adam Shúlbi sý qoımasyna demalýǵa kelgen. Demalýshylar belgilenbegen jerde toqtap, sýǵa shomylýǵa barady.
Jaǵadan shamamen 20 metr júzip baryp, kenet sýdyń qatty aǵysynan qyzdar sýǵa bata bastaıdy. Qyzdardyń bireýin jigit sýdan alyp shyǵady. Al, ekinshi qyzǵa jaqyn mańda demalyp jatqan er adamdar kómekke kelip, sýǵa batyp bara jatqan qyzdyń artynan súńgıdi, biraq sýdyń tym tereńdiginen, oǵan kómektese almady.
Oqıǵa ornyna kelgen qutqarýshylar 20 jastaǵy qyzdyń denesin 20 metr tereńdikten alyp shyqty.
ShQO TJD azamattardan sýǵa túsý kezinde jaýapkershilik tanytýdy suraıdy. Sýda demalý kezinde júris-turys erejelerin qatań saqtaý, júzý shekaralary belgilengen, jabdyqtalǵan jerde shomylý keregin eske salady.
