ShQO-da 20 tonna astyq salynǵan elevator otqa orandy

ÓSKEMEN. KAZINFORM – Shyǵys Qazaqstan oblysynda 20 tonna astyq salynǵan elevator órtendi. 

Órt 8 naýryzda Glýbokoe aýdany Predgornoe aýylynda shyqqan. Elevatordyń keptirgishi otqa orandy. Keptirgishte shamamen 20 tonna astyq bolǵan.

ShQO Tótenshe jaǵdaılar departamenti baspasóz qyzmetiniń aldyn ala dereginshe, órttiń jalpy aýdany 250 sharshy metrdi qurady.

«Qazirgi ýaqytta qyzyl jalynmen kúres jalǵasýda. Sol jerge departamentten barlyǵy 32 adam jáne 9 tehnıka, «Vasken» JShS-nyń 6 adamy men 1 tehnıkasy jumyldyryldy. Sondaı-aq qosymsha kómek retinde órt sóndirý poıyzy da jolǵa shyqty», - delingen aqparatta.