ShQO-da 20 tamyzdan bastap Rahman qaınaryna aparatyn jol jabylady

ÓSKEMEN. KAZINFORM - Shyǵys Qazaqstan oblysynda 20 tamyz ben 30 qazan aralyǵynda «Rahman qaınary» shıpajaıyna aparatyn jolda kólik qozǵalysy ýaqytsha shekteledi.

«Qazavtojol» ulttyq kompanııasynyń málimetinshe, joldaǵy shekteý jóndeý jumystaryna baılanysty engizilip otyr. Naqty aıtqanda, «Óskemen-Altaı-Úlken Naryn-Katonqaraǵaı-Rahman qaınary» tasjolynyń 13 shaqyrymy (437–450 shaqyrymy aralyǵy) jóndeledi.

- Eni shamamen 5 metr bolatyn bul joldyń bir jaǵy jartas, ekinshi jaǵy tik qulama. Mundaı jaǵdaıda aınalma jol salý nemese reversıvti qozǵalys uıymdastyrý múmkin emes, - deıdi «Qazavtojol» UK» AQ ShQO fılıalynyń dırektory Nurbek Temirhanov.

Onyń aıtýynsha, ortasha jóndeý jumystary aıasynda sý ótkizgish qubyrlar, aryqtar jáne tereń drenaj júıeleri salynady. Jalpy sany 17 temirbeton qubyr da ornatylady.

Al 444–450 shaqyrym aralyǵyndaǵy ýchaskedegi jóndeý jumystaryn 20 tamyzǵa deıin aıaqtaý josparlanyp otyr.

Eske salsaq, osyǵan deıin Almatyda Seıfýllın-Jansúgirov jolaıryǵy tamyz aıynda tolyq ashylatyndyǵy habarlanǵan.