ShQO-da 20-dan astam sheteldik el aýmaǵynan shyǵaryldy
ÓSKEMEN. KAZINFORM — Shyǵys Qazaqstan oblysynda zańsyz jumys istep júrgen sheteldikter anyqtaldy.
ShQO polıtsııa departamenti baspasóz qyzmetiniń málimetine súıensek, kóshi-qon qyzmetiniń mamandary aımaqtaǵy qurylys nysandary men bazarlarǵa tekseris júrgizdi.
— Sonyń nátıjesinde Óskemen qalasyndaǵy qurylys nysandarynyń birinde ýákiletti organnyń tıisti ruqsatynsyz eńbek etip júrgen kórshiles memlekettiń 17 azamaty anyqtaldy. Belgili bolǵandaı, sheteldik azamattar oblys aýmaǵyna shamamen bir aı buryn kelip, qajetti ruqsat qujattaryn rásimdemesten, 10 kúnnen astam ýaqyt boıy nysanda jumys istegen, — delingen aqparatta.
Kóshi-qon zańnamasyn buzǵany úshin sheteldikter Qazaqstan Respýblıkasyna aýmaǵynan shyǵaryldy.
— Sheteldik jumys kúshin zańsyz tartqan jumys berýshi de ákimshilik jaýapkershilikke tartylyp, oǵan 100 AEK mólsherinde aıyppul salyndy, — delingen habarlamada.
Eske salsaq, osyǵan deıin Aqtaýda sheteldik 1 kelige jýyq apıyndy jutyp, elge ótkizbek bolǵany habarlanǵan.
