ShQO-da 2 jyl boıy alıment tólemeı kelgen er adam sottaldy
ÓSKEMEN. QazAqparat – Shyǵys Qazaqstan oblysynda 2 jyl boıy alıment tólemeı kelgen er adam sottaldy, dep habarlaıdy QazAqparat tilshisi.
ShQO boıynsha QAJD baspasóz qyzmetiniń málimetinshe, er adam áıelimen ajyrasqannan keıin kámeletke tolmaǵan uldaryn asyraý úshin tabysynyń úshten bir bóligin alıment retinde tóleýge mindetti bolǵan. Alaıda ol eki jyl boıy aqsha bermeı, qaryzy 1 mıllıon teńgege jetti.
«Alıment tóleýden jaltarǵan áke 1 jyl merzimge bas bostandyǵynan shektelip, oǵan probatsııalyq baqylaý taǵaıyndaldy. Endi sottalǵan azamat turaqty jumys taýyp, alıment tólemese májbúrli eńbekke tartylady. Jaza adamdy qaryzdan bosatpaıdy. Eńbekke tartý – adamdy tárbıeleýdiń bir quraly ǵana», - deıdi ShQO boıynsha QAJD sol jaǵalaý aýdandyq probatsııa qyzmetiniń ınspektory Qaırat Qaınarov.
Sonymen qatar sottalǵanǵa jazany óteýden qasaqana jaltarǵan jaǵdaıda bas bostandyǵyn shekteý sol merzimge bas bostandyǵynan aıyrýǵa aýystyrylatyny túsindirildi.
